قوم يا منيل افتح الباب......
حاضر( ده عيشة تقرف الواحد قاعد متدفي و دي تقولي افتح الباب)......
بتبرطم بتقول ايه يا بن ملوخية الداية.....
و لا حاجة و لا حاجة بقول ااااه يا ضهري.......
وجعك من ايه يا آيل للسقوط يا روبابكية الرجالة، ده انت متكوم من ساعة ما جيت من الشغل ، افتح الباب يا ملخلخ.....
فتح سالم الباب فوجد ثلاث شباب يعرفهم جيداً من المسجد. كل يوم بعد صلاة المغرب يقوم أحدهم ليتحدث في المصلين و يوم الجمعة يخطب أحدهم في الجماعة.......
سلام عليكم يا عم سالم.....
و عليكم السلام و رحمة الله !!!! انا والله ما نزلتش أصلي المغرب لان ضهري بعافية شوية.......
الف سلامة عليك ، احنا بس جايين نسألك حتنزل بكره الاستفتاء ؟......
نعم نعم نازل نعم نعم و حأقول نعم نعم ان شاء الله.....
عال عال يا عم سالم انت عارف ان الدستور ده لمصلحة الناس الغلابة الي زيك انت بالذات....
ايوه اكيد اكيد بس........... بس!!!!!!
بس ايه يا عم سالم؟؟؟؟ ....
لا لا و لا بس و لا حاجة انا مش فاهم قوي حتت ان الدستور ده لمصلحتي بس حقول نعم و الله حقول نعم.......
لا برضه من حقك تعرف. احنا هدفنا من الدستور هو تطبيق شرع الله ،زي ما انت عارف ان الحارة صغيرة و البيوت جنب بعض واحنا عارفين ان جماعتك جامدة عليك شوية و لسانها زي الكرباج، انت بقي يا عم سالم لو طبقنا عليك الشريعة فمن حقك تتجوز مثني و ثلاث و رباع......
و هنا فتح سالم كل ما في وجه : عينيه و فاه : مثني و ثلاث؟؟؟؟......
و رباع يا عم سالم و احنا ممكن نساعدك .......
طب ما تتفضلوا انتم واقفين علي الباب ليه أعملكم شوية شاي!!!......
لا الله يخليك بيتك عامر ، نشوفك بكره عند اللجنة ان شاء الله........
رجع سالم الي حجرته و قلبه يكاد يخرج من صدره من الفرحة.......... مين الي كان عل الباب يا خيخة؟؟........
دول ملائكة الرحمن!!!!........
مين !!! ما تتكلم عدل.....
دول جماعة من المسجد كانوا بيكلموني عن الدستور و بيشرحوا لي المادة ٢ و ٣ و ٤........
جتك نيلة يا خيبتهم، اسمع يا راجل احنا بكره حانروح مع بعض و تدخل تكتب لا احنا مش عايزين البلد تضيع.........
( نعم يا حبيبي نعم انا بين شفايفك نغم).......
انت بتبرطم تاني.......
ايوه ايوه حنقول لا ( في المشمش يا بنت شاكر المنجد).........
و بعد يومين و في المسجد قابل احد الملتحين سالم...... ها يا عم سالم علمت صح علي نعم ؟......
و الله الدائرة كانت صغيرة قوي و بالعافية كتبت جواها ٢،٣،٤!!!!!!!!!!
العزف علي قلوب المحتاجين غش و رسولنا ، صَلَّى اللَّهُ عَلَيْهِ وَسلم علمنا ؛ مَنْ غَشَّنَا فَلَيْسَ مِنَّا ، وَالْمَكْرُ وَالْخِدَاعُ فِي النَّارِ
قوم يا منيل افتح الباب......
حاضر( ده عيشة تقرف الواحد قاعد متدفي و دي تقولي افتح الباب)......
بتبرطم بتقول ايه يا بن ملوخية الداية.....
و لا حاجة و لا حاجة بقول ااااه يا ضهري.......
وجعك من ايه يا آيل للسقوط يا روبابكية الرجالة، ده انت متكوم من ساعة ما جيت من الشغل ، افتح الباب يا ملخلخ.....
فتح سالم الباب فوجد ثلاث شباب يعرفهم جيداً من المسجد. كل يوم بعد صلاة المغرب يقوم أحدهم ليتحدث في المصلين و يوم الجمعة يخطب أحدهم في الجماعة.......
سلام عليكم يا عم سالم.....
و عليكم السلام و رحمة الله !!!! انا والله ما نزلتش أصلي المغرب لان ضهري بعافية شوية.......
الف سلامة عليك ، احنا بس جايين نسألك حتنزل بكره الاستفتاء ؟......
نعم نعم نازل نعم نعم و حأقول نعم نعم ان شاء الله.....
عال عال يا عم سالم انت عارف ان الدستور ده لمصلحة الناس الغلابة الي زيك انت بالذات....
ايوه اكيد اكيد بس........... بس!!!!!!
بس ايه يا عم سالم؟؟؟؟ ....
لا لا و لا بس و لا حاجة انا مش فاهم قوي حتت ان الدستور ده لمصلحتي بس حقول نعم و الله حقول نعم.......
لا برضه من حقك تعرف. احنا هدفنا من الدستور هو تطبيق شرع الله ،زي ما انت عارف ان الحارة صغيرة و البيوت جنب بعض واحنا عارفين ان جماعتك جامدة عليك شوية و لسانها زي الكرباج، انت بقي يا عم سالم لو طبقنا عليك الشريعة فمن حقك تتجوز مثني و ثلاث و رباع......
و هنا فتح سالم كل ما في وجه : عينيه و فاه : مثني و ثلاث؟؟؟؟......
و رباع يا عم سالم و احنا ممكن نساعدك .......
طب ما تتفضلوا انتم واقفين علي الباب ليه أعملكم شوية شاي!!!......
لا الله يخليك بيتك عامر ، نشوفك بكره عند اللجنة ان شاء الله........
رجع سالم الي حجرته و قلبه يكاد يخرج من صدره من الفرحة.......... مين الي كان عل الباب يا خيخة؟؟........
دول ملائكة الرحمن!!!!........
مين !!! ما تتكلم عدل.....
دول جماعة من المسجد كانوا بيكلموني عن الدستور و بيشرحوا لي المادة ٢ و ٣ و ٤........
جتك نيلة يا خيبتهم، اسمع يا راجل احنا بكره حانروح مع بعض و تدخل تكتب لا احنا مش عايزين البلد تضيع.........
( نعم يا حبيبي نعم انا بين شفايفك نغم).......
انت بتبرطم تاني.......
ايوه ايوه حنقول لا ( في المشمش يا بنت شاكر المنجد).........
و بعد يومين و في المسجد قابل احد الملتحين سالم...... ها يا عم سالم علمت صح علي نعم ؟......
و الله الدائرة كانت صغيرة قوي و بالعافية كتبت جواها ٢،٣،٤!!!!!!!!!!
العزف علي قلوب المحتاجين غش و رسولنا ، صَلَّى اللَّهُ عَلَيْهِ وَسلم علمنا ؛ مَنْ غَشَّنَا فَلَيْسَ مِنَّا ، وَالْمَكْرُ وَالْخِدَاعُ فِي النَّارِ
No comments:
Post a Comment