17 من رمضان
يا جندى ياللى واقف ع الحدود ف الشهر الكريم
يا للى مـُت شهيد برصاص كافر ملعون ولئيم
ياللى أخوك عـَبر
ف نفس الشهر عام تلاتة وسبعين.....
ورجـَع الأرض إللى كنت واقف عليها تحمينا م الملاعين...
قاموا عليك بالخساسة ...ناس توبها ماليه النجاسة
والخيانة اللى ف دمهم تملا ميت ألف كــــراسة
ضربوك من ورا ضهرك ومعاك كمان تسعة وعشرين...
لجل ماياخدوا سلاحك أنت واخواتك المصابين......
وكنت راكع ساعة الفطار
معدتك م الجوع قايدة نار...
ضربوك اللى مايعرفوا رب
ضربة ماتحصل ولا من الكفار...
حسبنا الله وهو نعمة المولى واللى لينا هو الوكيل
فى اللى حللوا دمنا لناس مالهاش غير أنياب وديل
وملعون ياللى تقول كلمة واحدة على كل جيشنــا
ويارب...
نستودع عندك كل اللى ماتوا مغــدورين..
صـَبر أهاليهم وخلينا على همنا ومـُرنا صابرين....
عشان عارفين إن ليل الظلم مهما علينا طـــال...
برضة شمس الحب طالعة...والحق أكيد منطـــال.....
رحم الله كل شهدائنا
إدوارد المصرى
No comments:
Post a Comment