مسحـــراتى......
مسحـــراتى جــــاهل لكن مفكــــراتى .......
و رمضــــان مش هو بس شهـــــرى .......
دة طــــول السنــة بحـاول ليـــــلاتى .......
مسحــــراتى بحـاول أصـحى الضماير.......
إللى نـــامت فينــا ويــا البصــــــــــاير.......
يعنــى متنـــا و إتعمينا وأحنا لســــــة .......
نَفَس داخـــل و نَفـَس خـارج و طــاير .......
مسحــــراتى و كـلامى للى يسمــــــــع .......
و اللى يعمل أطـرش دة مـش ها ينفــع .......
إلبــــلد دى تبقى بتاعتنـــا يــــا نـــاس........
ليــه كــل واحــد فيها عمــــال يبـــرطع.......
مسحــــراتى بحـاول أصـحى الضماير.......
إللى نـــامت فينــا ويــا البصــــــــــاير.......
يعنــى متنـــا و إتعمينا وأحنا لســــــة .......
نَفَس داخـــل و نَفـَس خـارج و طــاير .......
مسحــــراتى و كـلامى للى يسمــــــــع .......
و اللى يعمل أطـرش دة مـش ها ينفــع .......
إلبــــلد دى تبقى بتاعتنـــا يــــا نـــاس........
ليــه كــل واحــد فيها عمــــال يبـــرطع.......
و يالـــيل يـاهـــادى عــــدى بسُكـــاتــك.........
خَللى شمــس إلنهــار تطـلع على حبابك.........
و نشــــوف لفيــن مــاشيـة خطــــاوينــا........
بعـد مـا تهنـــا سنيـن طـويلة فى ظـلامك .......
و يـاعيـن ع اللى شـــايف و ما بيشـوفش.......
و اللى ســأمع بكـا النـاس و مـا بيسمعش.......
ســـــــايبنـــا نمـــــوت جـــوة خــوفنــــــا........
و هوه عـــارف الحـــق بس ما بينـطقــش.......
و أنـا ها فضـل مـاسـك بأيدى طبلتى......
صـوتهـا كلام على ورق جوة شنطتى.....
و العصــايا قـلم حيران بين صـوابعى......
بمــــلاه كــل يـوم من حبـر دمعـــــتى......
و هـاقـول كـل يـوم بعـلو صـــــوتـى .......
مسحـراتى يا ناس و ناوى على موتى......
مـن كـــتر ما بــدور عــلى سميعــــة........
يفهموا منى الكلام و ما يطلبوا سكوتى......
مسحــــراتى .. مسحــــراتى
ورزقى على الله...................................
بــدور ع الحقيقة بطبلة و قولة الآه...........
و نفسى أصحى فى المصرى المارد جواه....
و أرجعه لعصر الحــب أللى بأيدينا دفنــاه.....
By: Edward Atta
No comments:
Post a Comment