والله انا كل ما بالصدفة اقعد مع حد من اصحابى
ومعارفى من اصل مسيحى واسمع او اشوف فى وشه
الخوف مش بقدر اصدق انى فى مصر
يانهار ازرق بألوانات غامقة !!!! ايه البلوى دى
من امتى ؟؟؟
من امتى ياناس حد فى مصر كان بيسأل انت مسيحى واللا مسلم واللا من غير ملة حتى
وانا فى ابتدائى كنا اصحاب من تلات ديانات
بوليت ساعاتى : مسيحية , نيفيا.. مش فاكرة اسم ابوها : يهودية وانا
كنا فى بيوت بعض .. بعد المدرسة من آن لآخر .. رغم انهم كانوا ساكنين فى شبرا جنب
المدرسة وانا فى باب اللوق
لا عمرى ما حسيت فى بيوتهم انى غريبة ولا عمر اهاليهم خافوا عليهم لما كانوا ييجوا
عندنا
سنة 67 كنت فى سادسة ابتدائى كان عندى تقريبا 10-11 سنة .. وكنت واقفة بنمتحن
نصوص فرنساوى شفاهة
مدرستى اسمها مدام كلودين كانت يهودية واحنا طبعا منعرفش ومش فارقة معانا
كانت خايفة موت على بنتها - طفلة صغيرة - اسمها ألين بفتح الألف قوى _ سابتنا
وخرجت , ماكانش فيه موبايلات طبعا وبعيدن رجعت فسألناها راحت فين قالت كلمت
جارتى تخلى بالها من بنتى علشان متتفزعش من صوت الصفارات .. فقالت لى انها ا
خدتها هى والشغالة عندها من الصبح
فيه ايه يابشر ؟؟؟؟؟ مال اى حد وملة اى حد
حد لا مؤاخذة معاه توكيل بمفاتيح الجنة ؟؟؟
حد لا مؤاخذة معاه علم الله سبحانه وتعالى
حد لا مؤاخذة معاه توكيل انه يبقى وصى على حد ؟؟؟؟
فيه ايه ؟؟
مالك انت اذا كنت مسلم واللا مسيحى؟؟
حاسبنى على تصرفاتى معاك .. حاسبنى على اخلاقى
حاسبنى على عملى
ده طبعا اذا كان لك حق تحاسبنى
بجد نفسى بتميع لما بسمع الكلام ده
وصدقونى والله شكلى انا اللى حهاجر فى الطيارة اللى حيركب فيها المسيحيين
ردى: عزيزتى مصر لكل المصريين. لن نترك مصرنا و على كل المصريين تعلم حقيقه
الديمقراطيه وسماحت ديننا
No comments:
Post a Comment