ضحك قبل النوم

 إتنين عايزين يطّلقوا القاضي سأل الزوج : ليه عاوز تطلقها ؟؟

رد عليه : والله مش مرتاح معاها ..

 سأل القاضي الزوجه : وإنتي إيه ردك عليه ؟؟

قالت: والله غريبة !! الرجاله كلها مرتاحين معايا إلا هُوّ...

 بخيل بنى مسجد...شاف الناس الّلى بيدخلوه كتير...قام قلبه مطعم

خبيث دخل أحد المطاعم وطلب صحن فول، وبعدما أنتهي من أكله سأل

الجرسون: كام تمن الفول؟، اجابه: 13 قرشاً..مد الخبيث يده في جيبه وأخرج

ال13 قرش ورماها على الارض.. وتكرر المشهد 3 أيام متتالية. وفي اليوم

 الرابع دخل المطعم وما معاهوش فكّة فاعطى الجرسون ربع جنيه(25) قرش وقال

له واحد فول، طبعاً الجرسون حب ينتقم منه فاحضر الباقي(12)قرش ورماهم

على الارض وقال له خذ الباقي، فاخرج الخبيث قرش من جيبه ورماه فوق ال( 12) قرش وقال للجرسون كمان واحد فول لو سمحت.

 دكتور عيون قاعد مع خطيبته فى جنينة الأسماك ومعاه وردة

 قال لها: شايفة الوردة دي يا حبيبتى؟ قالت له: أيوه

فرجّع إيده لورا شويّة و قال لها: طب كده؟

 واحد صعيدي نزل محطّة مصر لأوّل مرّة، شاف بتاع أنابيب البوتاجاز بيخبّط عليها-

 قال له: إفتحلى واحدة بس تكون ساقعة

 واحد سافر امريكا ...وبعد سنتين اتصل بأبوه وقال له انا اتجوزت وجاني ايدز

 أبوه إتضايق قوى وقال له: طب ليه ماسمّيتوش على إسم جدّك؟

 مرّة ديك بيقول لفرخة: تيجى نتجوّز عُرفى؟

 قالت له: يا خبر,,,دا لو بابا عِرِف...يدبحنى..

 طفل صغيّر سأل أمّه: إزّاي أنا جيت الدنيا؟

 أمّه قالت له: أنا يا حبيبى حطّيت شويّة سكّر تحت السجّادة لاقيتك جيت...

 راح الطفل حاطت شويّة سكّر تحت السجّادة

 وبعد يومين رفع السجّادة قام لقى صرصار.. قام قال له

 أخ لو ماكنتش إبنى..كنت قتلتك...

 واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع... حدثت خناقة كبيره

 .المهم صاحب العربية الصغيرة بكل فخر قال لصاحب العربية الكبيرة:انت عارف العربية دى فيها ايه؟

 رد و قال له: يعنى حايكون فيها إيه؟

 صاحب العربية الصغيّرة قال: دى فيها عفريت حتّى بص كده

 دعك العربية طلع منها عفريت كبير وقال:شبيك لبيك تطلب ايه؟.. قال له: 2شاى... و جاب الشاى

 المهم صاحب العربية الكبيرة أشترى العربية الصغيرة مقابل الكبيرة ودعك العربية بعد ما أشتراها و طلع العفريت

 قال صاحب العربية انا عاوز دهب وفلوس و عربيات... رد العفريت:انا بعمل شاى بس

 رئيس دوله صغيره راح زياره للصين

 رئيس الصين بيقله إحنا عددنا 900 مليون نسمه إنتو عددكم كام؟

 رد رئيس الدوله: إحنا 30 ألف راح رئيس الصين قاله يا راجل يا طيّب... طب مجبتهمش معاك ليه

 وتصبحوا على خير...وإلى الملتقى إن شاء الله

________________________