في غرفة العناية المركزة بمستشفي سجن طره كان السجين العجوز راقداً علي سريره ، نادي علي الممرض المباشر له هو يعطيه الجريدة اليومية: تعالي يا زفت اقرأ لي اخبار الزفت ايه...
الريس كان في ايطاليا...
اسمه الزفت هع و لا حيعرف يهبب حاجة انا فضلت ١٠ سنين مع پيرلسكوني لغاية ما دخلني شريك في كل شركاته. و أخد الزفت ابنه معاه؟...
لا يا ريس.....
هع انا أخدت الواد معايا و عمل ١٥ شركة مع الطلينا. و ايه الصورة دي يا زفت.....
دي صورة العيال عند السفارة الامريكي....
هع هو كان في كلب يجرؤ ينزل الشارع في مظاهرة كان عمك العادلي اعتقله هو و أبوه و امه كمان. انا قلت للشعب ابن الوسخة يا انا يا الفوضي....
ما تأخذنيش يا ريس بس انت الي سبت الفوضي و رجالك الي مكملينها....
ايوه علشان انا ما كذبتش انتم اخترتم الفوضي اشربوا بقي....
يعني الفوضي بتاعتكم يا ريس مش بتاعت الثورة!! .....
ماتقلش ثورة يا زفت دي كانت هوجة و بعدين انا كنت مأكلكم و مشربكم و كل ثور راقد جنب الجاموسة بتاعته عامليين يظربوا في عيال و انا مهننكم.......
بس دي عيشة حيوانات يا ريس.....
ما انتم حيوانات يا حيوان هو انت فاكر روحك بني ادم، علشان تبقي بني ادم لازم يبقي معاك فلوس و انتم كحيته ما حيلتكوش الزفت يا زفت......
ما انت الي فقرتنا يا ريس....
ايوه بس كنت معيشكم بلطجية مافيش أزمة بنزين مافيش قطع كهربا مافيش إضرابات مافيش........
حرية مافيش.......
حرية ايه يا زفت عمرك شفت بقر حر كل البقر عايز الي يأكلوا و يشربوا .......
علشان يحلبوا.........
عليك نور اديك فهمت يا بقر!!!!! ايه الحقنة دي يا زفت مش ميعاد حقن ........
ما تقلقش يا ريس دي حقنة هوا .........
اي ى ى ى ى يا زفت
بقلم: خالد ش.
No comments:
Post a Comment