كوميديا الشعب المصري في ليالي البرد ....
في هذه الظروف الساقعة التي تمر بها البلاد ..
*قرّر نسر العلم تخلّيه عن منصبه، وكلّف طائر البطريق بإدارة شئون العلم والله الموفق
(مع الإعتذار لعمر سليمان)
* الشعب يطالب بعودة 2011 كانت ادفى كتير !
*عيشه , حرية , دفاية كهربائية
*انى لا اكذب .... ولكنى اتجمـــــــــــــــــــــــــــــــــد
*دفايتك شغالة، شرابك في رجلك،آيس كاپك علي دماغك، لحافك اللذيذ على قفاك، كاكاوك في إيدك....
و إللي يقولك يلا ننزل غزغزه
*درجه الحرارة فى القاهرة 9 و فى نيويورك 6 !! شدوا حيلكوا يا رجاله ، قربنا نوصل العالمية
*فاضل حاجه واحده بس ونبقى فى القطب الشمالى رسمى… اننا نشوف بطاريق فى ميدان التحرير
* يا جمـــاعـــه اللــي معااه ريمووت التكييف يبطل هزاار أنا إتجمدت من التلج
* الجو بيستهبل فاكر نفسه عايش في اوروبا حد يقوله يعيش عيشه اهلة
* مبارك كان قالل بركة كل حاجة حتى الشتاء .. الشعب يريد البرد القديم
*أدي اخرة اللعب في التوقيت احنا اسفين يا توقيت
* ﻃﺎﻟﻤﺎ ﻣﺼﺮ ﻋﻤﻠﺖ ﺗﻠﺞ ﻳﺒﻘﻰﻧﺘﺼﻞ ﺑﺎﻟﺘﻮﻛﻴﻞ ﻳﻴﺠﻲ ﻳﺸﻮﻓﻬﺎ .. ﺍﺣﻨﺎ ﻭﺍﺧﺪﻳﻨﻬﺎ .. ﻋﻠﻰ ﺍﻧﻬﺎ ﻧﻮﻓﺮﻭﺳﺖ ﻻ ﻣﺆﺍﺧﺬﺓ
* رساله لافراد الامن المركزى من دلوقتى بحذرهم
مسيل للدموع ماشى
خرطوش ماشى
مطاطى اشطه ميضرش متعودين
رش ميه فى الجو ده هتغابى عليكم بجد
*رسالة رقم 1 الى المجلس العسكري :" تعاطفكم لوحده مش كفاية ادوا لكل مواطن دفاية "
*عاجل : التلفزيون المصري ينفي الشائعات و يؤكد ان درجة الحرارة ٣٢ و يحث المواطنين ( الشرفاء ) علي التوجه للشواطئ و الحدائق العامة
*نفسي اعرف مين البارد اللي كتبلنا في منهج الجغرافيا من صغرنا ان جو مصر 'دفئ' ممطر شتاءاًً؟؟!! الهي أشوفك متجمد صيفاً و شتاءاً يا بعيد
No comments:
Post a Comment