متفاءل
لسه قادر ع التفاؤل
ولا قلبى يوم را ح يضــل......
مهما قالوا...ومهما عادوا
اللى فوق شايف عبادو
الصبح دايماً لازم يهل......
والشمس مهما زادت نيرانها
هنلاقى تحت الشجرة ضـل......
و مهما يا مصر زاد فيكى الشوك
دايماً جناينك مليانة فــُل.........
ترمى عبيرها ع الناس الطيبين
اللى كرهوا طعم الذل.......
واحد شايل فاسه
وتانى فاتح كراسه
ودة قلم عمر ما حد داسه
ودة قاعد لا بيربط ولا يحــل.........
والظلم يا ناس مهما طال
ومهما العدل تعب ولا إنشل....
ها يفضل المصرى وراه
يوم...شهر..سنة ولا دهر
وعمره ماراح يمل.........
أصله عارف إن الليل مهما طال
لازم الفجر بحلاوتة علينا يطـُل.......
إدوارد المصرى
No comments:
Post a Comment