صعيديات
مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..... ونحفر واحدة تانية جنب المستشفى
_________________________________________________________
صعيدى واقف عند الكعبة سمع الادان طلع يدور على جامع
_________________________________________________________
واحد ندل انقذ واحد كان بيتحرق فكرموه و بيسألوه على سر شجاعته وهو ليه انقذه قال انا انقذته لسببين الاول عشان ميموتش شهيد و التانى عشان يعيش بقية حياته مشوه
_________________________________________________________
واحد حب يوقف اتوبيس لكنه ماوقفش ... فجرى وراه لحد ما وصل البيت فقال لمراته الصعيديه افرحى النهارده انا وفرت 10قروش .... فقالت له يا خيبتك مش كنت تجرى ورا تاكسى كنت وفرت تلاته جنيه
_________________________________________________________
سواق صعيدي قتل 60 واحد في حادثة.... لما سأله الظابط ليه قتلتهم؟ قال له كنت ماشي وبعدين فجاة العجلة ضربة ..ولقيت على يميني فرح وعلى شمالي راجلين ... ادخل في مين ؟ قاله الظابط ادخل في الراجلين. قاله ما أنا عملت كده بس واحد منهم دخل الفرح رحت أنا كمان داخل وراه ….. يعني أسيبه!
____________________________________________________________
مره واحد صعيدي قاعد بيحشش مع مراته فالباب خبط. فهي قالت: يالهوي ده جوزي.
قام جوزها ناطط من الشباك
______________________________________________________
مرة واحد مسئول بيفتتح حمام سباحة في نادي صعيدي. المدير قال له ده المنط يا فندم 30متر.... قوم نط يا مرزوق فنط مرزوق . وده يا فندم منط 50 متر قوم ياعوض نط فنط عوض .وده يا فندم منط 80 متر قوم يا نجيب نط فنط نجيب فقال المسئول هايل ..هايل .... قام المدير قال ولسه يا فندم لما نملى الحمام مايه
____________________________________________________________________
فيل ضخم كل يوم يمر على مملكة النمل في جنوب الصعيد يهدها، النمل اتفق عليه قالوا : حنستخبى له فوق الشجر و أول ما يعدى نقفز عليه و نقرصه لحد ما نقضى عليه المهم الفيل مر راح النمل قفز عليه الفيل حس بيهم راح خابط زلومته شمال وقع نصهم و راح خابط يمين وقع النص التانى و مافضلش غير نمله واحده
النمل كله وقف تحت يهتف لها: اخنقيه يا فوزيه
_________________________________________________________
مريض بيحلم كل يوم بكتاكيت بتلعب ماتشات راح للدكتور وحكي للدكتور الحكاية وانه بيحلم بكتاكيت بتلعب ماتشات الدكتور قاه خد القرصين دوله وانت هتنام مش هتحلم باى حاجه
رد المريض: لا ... النهارده النهائى
_________________________________________________________
مرة 2مساطيل قاعدين بيحششو قدام نشرة الاخبار فى التليفزيون فنشرة الاخبار طولت فراح الاولانى قال للتانى :هى لية نشرة الاخبار طولت النهارد كدة؟ فراح التانى رد عليه وقال معلش اصل شكلها كدة النهاردة اخر حلقة
_____________________________________________________________
مرة واحد مسطول عرف رقم ابليس جننه كل دقيقه يبعتله اعوذ بالله من الشيطان الرجيم
______________________________________________________________
واحد بيقول لمراته الصعيديه: تصدقى جارنا بيقول انه خان مراته مع ستات العمارة كلهم الا واحدة بس؟ قالت له اكيد الولية الرخمة اللى فى الدور الرابع
_______________________________________________________________
ست عجوزة سمعت ان عزرائيل بيلم العواجيز راحت الصيدلية تشتري سيريلاك قابلها عزرائيل و سالها : راحة فين ؟ قالتله :رايحة اجيب مم.
قالها : طيب بسرعة عشان نروح باي
____________________________________________________________________________________________________
واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان
__________________________________________________________________________________________________
واحد صعيدى قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم
_________________________________________________________________________________________________
صعيدى حط إيده فى ميه نار طلع ايده مالقهاش نزل دماغه يدور عليها
_________________________________________________________________________________
No comments:
Post a Comment