يارب.....ياللى شايف الكون كلة وشايفتى.....
يارب ....أنت وحدك علرف قلبى وعارفنى.......
وعارف إنى بحب أخويا
حتى لو مش من صلب أبويا
واللى يتعبه ولا يصيبه لازم يصيبنى.......
رجع العقول لناس تاهوا
وجفف الدمع ف عيون اللى ناحوا
على شهدا راحوا عشان إحنا نقوم ونبنى......
مش نهد بايدينا مصرنا
ونضـَحك علينا ناس مش مننا
ونشيل السلاح لبعضينا ..بعدها للمـُر نجنى.....
دة إحنا كلنا دم واحد
وبنعبد أكيد رب واحد
واللى ف الشوارع إخوات...وإبنك وإبنى.........
ليه الغـِلّ بقى مالى القلوب
وإحنا اللى كنا ف الحب بندوب
والبيوت على بعضها مفتوحة ...يدخل جارى بلا إذنى......
ليه بقينا بنغرق ف دمنا
ونقعر قلب مصر اللى هى أمنا
دة السيف اللى يجرح أخويا محمد وجرجس بيقتلنى.....
يارب...مصر كلها طالبة رحمتك
عبيدك تعبوا عشان جاهلين حكمتك
أرفع عنا...سامحنا...إهدينا...دع
إدوارد المصرى
No comments:
Post a Comment